Charles, Alphus, Daddy en Simon gesels met Charles

Het jy kinders? Indien ja hoeveel kinders het jy?
Charles: Ja, ek het twee kindertjies
Alphus: Twee pragtige kinders
Daddy: Net een kind vir nou
Simon: Ek het net twee kinders

Waar jy lekker in Potch en hoekom is Potch vir jou ‘n lekker plek om in te woon?
Charles: Die “crime” in Potch is besig om minder te word want ons polisie doen hulle werk.
Alphus: Ja Potch is ‘n lekker plek, baie rustig
Daddy: Die meisies in Potch is baie mooi
Simon: Dit is ‘n baie mooi dorp met baie om te doen

Hoe lank werk jy nou al by die vulstasie?
Charles: 12 Jaar
Alphus: Nog net een jaar
Daddy: Dit is nou al een jaar
Simon: Ek werk al 18 jaar hier

Wat is jou gunsteling kos?
Charles: Pap en vleis
Alphus: Pap en vleis
Daddy: Pap en wors
Simon: Pap en vleis

Wat is jou grootste droom? Die een ding wat jy die graagste in jou lewe wil bereik?
Charles: Ek wil graag eendag my eie “car sales” besigheid hê
Alphus: My eie besigheid begin
Daddy: Ek wil hard werk sodat ek vir my ma en pa ‘n mooi huis kan bou
Simon: Ek wil oor ‘n paar jaar op pensioen gaan en ‘n mooi huis bou en ‘n klein karretjie koop

Wat in die lewe maak jou die kwaadste?
Charles: Ek word nie sommer kwaad nie (en al die ander petroljoggies begin lag)
Alphus: Ek is altyd “happy”.
Mens moet nie jou tyd mors deur kwaad te wees nie
Daddy: Mense wat maak asof hulle beter is as ander mense
Simon: Stoute klein kindertjies wat nie luister nie

Wat doen jy in jou vrye tyd om te ontspan?
Charles: Kuier saam met vriende
Alphus: Werk in my tuin en aan my huis
Daddy: Ek “surf” die internet
Simon: Kuier of speel gholf

Wat maak jou die gelukkigste in die wêreld?
Charles: My twee dogters, die een is nou agt jaar oud en die ander een is ‘n jaar en drie maande oud
Alphus: Die mense om my, my vrou, my kinders en my werk is wat my elke dag laat glimlag
Daddy: Mense wat vir my glimlag en vriendelik is maak my gelukkig
Simon: Om gholf te speel maak my gelukkig want dit laat my ontspan

Wat is jou kosbaarste besitting?
Charles: My kinders, beslis
Alphus: My kinders is vir my baie kosbaar, my seun is nou vier en my dogtertjie nege maande
Daddy: My tweejarige seuntjie is my hele wêreld
Simon: My werk is vir my die belangrikste. Want ek ontmoet elke dag nuwe mense.