Potch-dorp se span kook

Saterdag, 4 Februarie, het die tweede rondte van die 65-beurtkompetisie in die Noordwes Premier A-liga plaasgevind. 

  Armand Strydom (135) van Merafong-krieketklub, Desmond Tya Tya (132) en Willie Mostert (101) van Impala-krieketklub, was die beste kolwers vir die naweek. 

  Stefan Gericke (6/50) van  NWU Puk-krieketklub het die meeste paaltjies geneem.  Marno Pretorius (5/25) van Potch-dorp-krieketklub het ook uitsonderlik presteer.

Opsomming van wedstryde vir die naweek is soos volg:

Impala I teen NWU Pukke (op Puk Oval)

NWU Pukke het die loot gewen en besluit om te boul.

Impala 210/10 in 58.2 beurte

Eugene Serfontein (93), Chris Peyper (59), Stefan Gericke (6/50).

NWU Pukke 190/10 in 57.5 beurte.

Stefan Gericke (77), Lynton Terblance (40), Hannes Erasmus (3/3), Chris Peyper (3/40).

Impala I wen eerste beurt met 20 lopies.

Potch Dorp I teen Ibbies (op Puk)

Ibbies het die loot gewen en besluit om te boul.

Potch Dorp 324/10 in 54.1 beurte.

Andries Huisamen (94), Mike Fielding (81), Wian Jonk (4/54).

Ibbies 89/10 in 25.4 beurte

Dirk van der Spuy (26), Marno Pretorius (5/25).

Ibbies het hulle tweede beurt gaan kolf en kon 95 lopies aangeteken in 15.4 beurte met 5 paaltjies plat.

Potch Dorp I wen regstreeks met vol bonuspunte.

Vaal Reefs teen Taurus (op Victory Park)

Taurus het die loot gewen en besluit om te kolf.

Taurus 230/9 in 65 beurte

Ryno van Rensburg (78), Nic Linde (61), Ockert Gericke (48), Dale Deeb (5/69), Rudolph Heymans (3/41).

Vaal Reefs 159/10 in 37.5 beurte

Johan Grobler (66), Zack Cilliers (3/12), Coetzee Henning (3/28), Nic Line (3/32).

Taurus wen eerste beurt met 71 lopies.

Impala II teen Potch Dorp II (op Olympia Park)

Impala II het eerste gekolf.

Impala II 334/6 in 65 beurte.

Desmond Tya Tya (132), Willie Mostert (101), André Olivier (53*).

Potch Dorp II 157/10 in 50 beurte.

Impala II wen eerste beurt met 177 lopies.

Matlosana teen Merafong (op Nuwe Markotter)

Matlosana het die loot gewen en besluit om te boul.

Merafong 258/10 in 61 beurte

Armand Strydom (135), Clinton Barkley (37), Atif Hussein (3/55), Kylin Vardhan (4/58).

Matlosana kon net 16 beurte kolf, 61 lopies aanteken met 2 paaltjies plat toe reen die wedstryd tot halt bring. 

Wedstryd onbeslis.

NWU Vaal teen Lichtenburg (op Verref)

Lichtenburg het die loot gewen en besluit om te kolf.

Lichtenburg wen regstreeks.